Zyra Ligjore e Presidentit të Kosovës, duke u mbështetur në qëndrimin e Agjencisë Kosovare të Privatizimit, ka kërkuar nga Gjykata Kushtetuese interpretimin e neneve 92 dhe 94 të Kushtetutës së Kosovës, pas vendimit të Qeverisë për tërheqjen nga procesi i privatizimit dhe bartjen e një numri pronash që menaxhoheshin nga Agjencia Kosovare e Privatizimit, në pronësi të Komunës së Mitrovicës së Veriut, Kllokotit, Ranillugut dhe komunave të tjera.
Në kërkesën e Zyrës Ligjore të Presidentit, i kërkohet Gjykatës Kushtetuese që të interpretojë dy nene të Kushtetutës së Kosovës.
Në pjesën ku saktësohet kërkesa e Zyrës Ligjore të Presidencës, thuhet se në pajtim me Kushtetutën, llojet e pronës duhet të jenë të rregulluara me ligj, ku do të hynte edhe rregullimi i pronës së paluajtshme të Republikës së Kosovës.
Në argument thuhet se procedura me legjislacionin në fuqi për kthimin e pronave nga komunat, tërheqjen nga procesi i privatizimit të pronave dhe kthimin e tyre në pronësi të komunave, përcakton se Agjencia Kosovare e Privatizimit është autoriteti që merr vendim për aprovimin e kërkesave të parashtruara nga autoritetet lokale.
Presidenca ka kërkuar nga Gjykata Kushtetuese që të qartësojë rastet kur nuk ka procedurë apo nuk respektohet procedura përkatëse në fuqi. /Konica.al/
VAZHDO TË LEXOSH MË TEPËR PËR TEMËN
‘Thaçi dhe Vuçiç kanë gjetur zgjidhjen e gabuar’
‘Thaçi po ia shet Kosovën Serbisë’
‘Kemi mosmarrëveshje me Thaçin për çështjen e kufijve’
