MENU

Tentuan të hynin në fshat

Bularat/ Ndalohen 5 persona, mes tyre kreu i OMONIA-s

08.12.2018 - 14:53

Të paktën 6 persona janë ndaluar nga policia e Sarandës, mes të cilëve edhe kreu i OMONIA-s në Himarë.

Një shtetas grek me detyrë punonjës policie, është arrestuar në flagrancë nga Policia e Sarandës.

Mësohet se në cilësinë e provës materiale është sekuestruar një armë zjarri e tipit “pistoletë” me 6 fishekë.

Nga Specialistët për Hetimin e Krimit në Komisariatin e Policisë Sarandë u bë arrestimi në flagrancë i shtetasit:

Bularat-konica.al

– M. G, 35 vjeç, banues në Gumenicë, Greqi (me detyrë punonjës policie në Igumenicë, Greqi).

Arrestimi i tij u bë pasi më datë 08.12.2018, rreth orës 09.45, në aksin rrugor “Sarandë-Gjirokastër”, në vendin e quajtur “Ura e Kranesë”, ky shtetas duke udhëtuar në drejtim të fshatit Bularat, Gjirokastër është kapur në flagrancë nga shërbimet e policisë me një armë zjarri pa leje, e tipit “pistoletë” me 6 fishekë.

Materialet në ngarkim të tij i kaluan Prokurorisë pranë Gjykatës të Shkallës së Parë Sarandë për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit”, parashikuar nga neni 278 i Kodit Penal.

VAZHDO TË LEXOSH MË TEPËR PËR TEMËN