Pasi u shfaq në kopertinën e revistës prestigjioze, tashmë është publikuar edhe intervista e Dua Lipës për “Vogue”.
Vetëm 5 vite më parë, ajo punonte si një kameriere, ndërsa jeta e saj mori një rrjedh krejtësisht tjetër kur në moshën 18 vjeçare nënshkroi marrëveshjen e saj me një shtëpi diskografike.
Tashmë, në moshën 23-vjeçare, Dua është duke korrur suksesin e punës së palodhur dhe e talentit të saj të jashtëzakonshëm, duke u kthyer në një yll të muzikës Pop.
Këngëtarja me origjinë shqiptare ka rrëfyer në intervistë se vetëbesimi është arma më e fortë që mund të ketë kushdo. Edhe pse nuk është paraqitur ndonjëherë në përpjekje për të paraqitur një tablo të shkëlqyer të vetes së saj, ylli i popit është shprehur për revistën prestigjioze se tek vetja pëlqen konkretisht lëkurën e mrekullueshme.
“Feminizmi për mua nuk është të urresh meshkujt por ka të bëjë me faktin se ne meritojmë të njëjtat mundësi si ata”, ka thënë Dua Lipa në numrin e janarit të Vogue.
Megjithëse nuk është paraqitur ndonjëherë me vetëbesimin për të paraqitur një tablo të shkëlqyer të vetes së saj, ylli i popit ka thënë se ndihet shumë e sigurt me trupin e saj. “Gjithmonë do të jetë diçka që nuk iu pëlqen tek vetja, por është shumë më e shëndetshme që çdo ditë t’i thoni vetes dy gjëra që ju pëlqejnë më shumë tek vetja. Për shembull unë i them vetes “Ti e di që lëkura jote është e mrekullueshme, nuk do vësh asnjë grimë make-up”, në vend që t’i them “O zot pse ke ngrënë makarona çdo ditë gjatë kësaj jave”.
VAZHDO TË LEXOSH MË TEPËR PËR TEMËN
Dua Lipa realizon ëndrrën, kjo është arritje…
