Deri ditën e martë të akuzuarit për ngjarjet e 27 prillit do të mund të paraqesin kërkesat për amnisti deri tek Gjykata Penale. Paraqitja e kërkesave për amnisti ka filluar që nga dita e premte.
Të akuzuarit mund të paraqesin kërkesat në Gjykatë personalisht ose dhe me postë. Pas skadimit të afatit për paraqitjen e kërkesave, Gjykata dhe Prokuroria do të kenë afat prej pesë ditësh për t’u përgjigjur se kush do të falet dhe kush jo.
Ligji për Amnisti ditën e enjte u publikua në Gazetën Zyrtare të Republikës së Maqedonisë, pas që këtë ligj e nënshkroi Presidenti i Republikës, Gjorgje Ivanov.
Dje kryetari i Gjykatës Penale, Ivan Xholev konfirmoi se ditën e premte janë paraqitur pesë kërkesa për amnisti. Krsto Mukoski, Oliver Radullov, Nikolla Mitrevski Konjo dhe Mlladen Dodevski, dje kanë paraqitur kërkesë për amnisti. /Konica.al/
VAZHDO TË LEXOSH MË TEPËR PËR TEMËN
‘Nuk ka hapësirë për amnistimin e dhunës së 27 prillit’
Maqedoni/ Ligji për Amnisti, pret nënshkrimin e Presidentit
