Ditën e sotme më 27 dhjetor 2018 Këshilli i Lartë Gjyqësor zhvilloi mbledhjen e radhës ku u shqyrtuan disa nga prioritet në lidhjen me funksionimin e Gjykatave të Posaçme kundër Korrupsionit dhe Krimit të Organizuar dhe emërimin e kandidatëve për magjistratë të diplomuar nga Shkolla e Magjistraturës.
Kjo mbledhje i hapi rrugë kështu krijimit të Gjykatave të Posaçme kundër Korrupsionit dhe Krimit të Organizuar.
Mësohet se në këtë mbledhje është vendosur dhe procedura për caktimin e përkohshëm të gjyqtarëve të këtyre gjykatave.
“Më përputhje me komptencat e përcaktura nga ligji, Këshilli vendosi nisjen e procedurës për caktimin e përkohshëm të gjyqtarëve pranë Gjykatave së Posaçme kundër Korrupsionit dhe Krimit të Organizuar duke i hapur rruge krijimit të këtyre gjykatave.”
Gjithashtu ka nisur procesi i komunikimit me institucionet shtetërore kompetente për verifikimin e pasurisë dhe figurës së kandidatëve për magjistratë të diplomuar në vitin 2018.
Këshilli miratoi deklarimin e mbarimit të statusit të gjyqtarit Metush Saraçi, për shkak dorëheqjeje.
