Ministri i Punëve të Jashtme të Kosovës, Behgjet Pacolli, ka reaguar pas raportimeve të mediave serbe për deklaratat e tij në Gjermani lidhur me një zonë ekonomike për veriun e Kosovës.
Pacolli përmes një publikimi në Facebook ka thënë se mediat serbe kanë devijuar qëllimshëm deklaratat e tij.
“Mediat serbe qëllimshëm devijojnë deklaratën time lidhur me idenë time të themelimit të zonës ekonomike në pjesën veriore”, ka shkruar Pacolli.
Postimi i plotë i Pacollit
Mediat serbe qëllimshëm devijojnë deklaratën time lidhur me idenë time të themelimit të zonës ekonomike në pjesën veriore.
Ideja ime nënkupton themelimin e zonës së lirë ekonomike që përfshin proporcionalisht territor nga Republika e Kosovës dhe Republika e Serbisë. Natyrisht në këtë mënyre vendoset kontroll në pjesën ku sot lulëzojnë bandat dhe krimi. Ekonomikisht vetëm kështu mund të ketë stabilitet dhe zhvillim ekonomik.
Lajmi origjinal është në Deutsche Welle, andaj ftoj mediat tona që të referohen në mediumin gjerman dhe jo lejmin e shtrembëruar nga mediat serbe ta publikojnë. /Konica.al/
VAZHDO TË LEXOSH MË TEPËR PËR TEMËN
Kosova afër anëtarësimit edhe në një organizatë
Kufijtë/ Haradinaj prezanton ekipin negociator, opozita mungon
Bisedimet me Serbinë/ Thaçi pro emërimit të ri
