22.12.2018 - 09:37
Shkencëtarët thonë se projekti më i fundit eksperimental, ai i krijimit të një kulle që pastron ajrin, duket se ka nisur të funksionojë në Kinë.
Shkencëtarët e institutit të Tokës dhe Mjedisit, në Akademinë e Shkencave të Kinës, thanë se kanë parë përmirësime në cilësinë e ajrit në një hapësirë prej 7.7 km.
Kulla është 100 metra e lartë dhe funksionon duke krijuar shtresa të mbuluara serrash, të cilat thithin ajrin, e ngrohin nëpërmjet energjisë diellore dhe pastaj e qarkullojnë nëpër shumë filtra pastrues.
Qyteti ku është testuar projekti ka pasur ndotje të lartë, dhe pajisja duket se ka dhënë rezultat.
