Banka Botërore arrin në përfundimin se kostot e ndërtimit të rrugëve rriten me 15% në vendet me korrupsion të lartë.
Ndërkohë që debati për projektet e mëdha të investimeve në rrugë ka arritur majën, studimet e Bankës Botërore tregojnë se, në vendet si Shqipëria, niveli i lartë i korrupsionit e shtrenjton ndjeshëm faturën e ndërtimit të rrugëve.
Sipas Indeksi të Perceptimit të Korrupsionit i Transparency International, Shqipëria është në vendin e 91-tët në botë, ndër 180 ekonomi të marra në analizë. Për vitin 2018, ky indeks shënoi një përkeqësim në krahasim me vitin e kaluar, ku Shqipëria renditej e 83-ta në botë.
Qeveria shqiptare ka miratuar projekte të partneritetit publik privat në vlerën e më shumë se dy miliardë euro. Në pjesën dërrmuese, këto projekte lidhen me ndërtimin dhe mirëmbajtjen e akseve të rëndësishme rrugore. Projektet kanë ngjallur akuza të ashpra nga opozita dhe grupet e interesit, për shkak të kostove të larta me të cilat do të ngarkohet buxheti i shtetit nga ndërtimi i tyre.
Qeveria justifikohet me faktin se këto projekte janë të një kategorie të paaplikuar më parë në Shqipëri, megjithatë, fakt është se kontratat nuk janë transparente, ndërsa vetë mekanizmi i PPP-ve gjeneron edhe kosto shtesë. Veç kostos së ndërtimit dhe fitimit të firmës, ajo përfshin edhe interesat e kredive bankare që do të merren për ndërtimin e tyre.
VAZHDO TË LEXOSH MË TEPËR PËR TEMËN
PPP-të, kritika edhe nga vetë… shteti
