12.01.2019 - 17:14
Vijon për të tretën ditë rradhazi ngujimi i studentëve brenda auditorëve të fakulteteve. Në një video të siguruar nga “BalkanWeb”, brenda fakultetit Ekonomik studentët duken të mbuluar me batanije, ndërkohë që ngujimi i tyre ka vazhduar pa ndërprerje.
Mësohet se me studentët janë solidarizuar bashkëmoshatarë të tyre, që i kanë dërguar mbrëmjen e djeshme edhe ushqime.
Prej 3 ditësh studentët e disa fakulteteve në Tiranë, mes tyre ata të Ekonomikut, Juridikut, Inxhinierisë dhe Arkitekturës, janë ngujuar brenda fakulteteve të tyre, ndërsa kërkojnë plotësimin e 9 kërkesave.
