Maqedoni/ Kuvendi nis debatin për ndryshimet në Kushtetutë

Kuvendi i Maqedonisë të mërkurën pritet që të miratojë katër ndryshimet në Kushtetutë lidhur me Marrëveshjen e Prespës.

Këto ndryshime do të futen veçmas për diskutim dhe më pas do të votohen. Sipas Rregullores së Kuvendit, debati për secilën prej ndryshimeve mund të zgjasë deri në tre ditë.

Megjithatë, duke pasur parasysh mungesën e opozitës kryesore VMRO-DPMNE, e cila është kundër Marrëveshjes së Prespës, procesi pritet që të zgjasë më pak dhe të përfundojë të premten.

Kryeministri Zoran Zaev është shprehur optimist se do të sigurohen 80 vota në Kuvend në votimin final për zbatimin e Marrëveshjes së Prespës, ndërsa nënkryetari i VMRO-DPMNE ka njoftuar se nuk do të marrë pjesë në votim duke paralajmëruar edhe deputetët e partisë së tij se nëse të votojnë për ndryshimet kushtetuese do të përjashtohen. /Konica.al/

VAZHDO TË LEXOSH MË TEPËR PËR TEMËN

---

Dita e mërkure

Ditë vendimtare për Marrëveshjen e Prespës

Raporti ndërmjet Shkupit dhe Athinës

Mogherini: Nuk ka përsëritje të Marrëveshjes së Prespës

Referendumi për emrin

Maqedoni/ Pjesëmarrja e qytetarëve në votim është 29%

Ndryshimi i emrit

Tsipras: Nuk do ketë një mundësi tjetër për Shkupin

---