20.01.2019 - 15:35
Në një intervistë për për agjencinë austriake të lajmeve ‘APA’, presidenti i Kosovës Hashim Thaçi ka folur për marrëveshjen me Serbinë.
Thaçi i mëshoi faktit se ideja e shkëmbit të territoreve është mundësi e mirë për të dy vendet dhe se kjo mundësi tani po mbështetet edhe nga presidenti rus Vladimir Putin.
Presidenti i Kosovës gjithashtu tha se arritja e një marrëveshjeje do e çonte Kosovën një hap më afër anëtarësimit në Bashkimin Europian dhe NATO.
“Është një risi që Rusia do të mbështesë një marrëveshje, që do të jetë e pranueshme për të dyja palët. Në të kaluarën nuk ka ekzistuar një vullnet kaq i madh, dhe nëse ne nuk e shfrytëzojmë këtë mundësi, atëherë qytetarët do të vuajnë në dekadat e ardhshme”, ka shtuar ai.
