14.01.2019 - 18:40
Spartak Çoçoli, prokuror i Gjirokastrës, është ndaluar ditën e sotme në sallën e gjyqit.
Ka qenë Prokuroria e Krimeve të Rënda, ajo e cila ka lëshuar urdhërin për ndalimin e tij me akuzën për kryerjen e veprës penale, korrupsion.
Prokurori mësohet të ketë qenë në përgjim për një kohë të gjatë nga Prokuroria.
Ky ndalim ka ardhur si pasojë e një akuze të lëshuar nga prindërit e një 17-vjeçareje, të cilët thonë se prokurori ka kërkuar rryshfet në këmbim të zgjidhjes së çështjes, si dhe mësohet të ketë ushtruar dhunë kundrejt mamasë së vajzës.
Prindërit denoncuan si të rrëmbyer, vajzën 17-vjeçare të komunitetit rom në Gjirokastër.
