Gjatë gjithë kohës së fushatës së gjatë dhe të hidhur të Perëndimit për të shkatërruar Daeshin, pra Shtetin Islamik, kurdët kanë treguar se janë një nga aleatët më të rëndësishëm.
Në një kohë kur qeveritë perëndimore në të dy anët e Atlantikut ngurrojnë të kryejnë operacione kundër IS, kurdët kanë dhënë kontribut të rëndësishëm në operacionin e koalicionit të udhëhequr nga Shtetet e Bashkuara kundër Kalifatit të Daesh.
Duke punuar me forcat speciale amerikane dhe britanike, milicitë e udhëhequra nga kurdët kanë çliruar më shumë se 99 përqind të territorit që dikur kontrollohej nga Daesh në Irakun e veriut dhe Siri.
Fushata kryesore ushtarake kundër Daesh është duke u shuar, forcat e koalicionit ende po kryejnë operacione kundër të mbeturve të fundit të Daeshit.
Prandaj ka ende shumë për të bërë nëse Perëndimi kërkon të sigurohet që Daesh nuk është në gjendje të ringjallet dhe grupet kurde kanë një rol kryesor në këtë mision.
Nëse kurdët do të kenë ende mbështetje nga Perëndimi, mbetet për tu diskutuar pas njoftimit të befasishëm të presidentit amerikan Donald Trump që ai ka ndërmend të tërheqë 2.000 trupat amerikane në Siri. Dhe tani Rusia dhe Irani janë shfaqur si fuqitë e huaja dominuese aty.
Kjo sigurisht që është e vërtetë , as Amerika dhe as Britania nuk janë përfshirë në negociatat për të ardhmen e Sirisë.
Por e gjitha kjo ka qenë një tronditje nga kurdët, të cilët kanë frikë se do të braktisen nga aleatët e tyre të mëparshëm perëndimorë .
Kjo nuk do të ishte hera e parë që kurdët gjenden në një situatë kaq të vështirë. Shpresat kurde për një atdhe të pavarur, pas rënies së Perandorisë Osmane në fund të Luftës së Parë Botërore, u zhdukën pasi nuk arritën të siguronin mbështetje nga perëndimorët.
Tani shumë kurdë kanë frikë se historia mund të përsëritet, dhe tani ata mbeten në mëshirën e Presidentit turk Rexhep Tajip Erdogan.
Erdogan paralajmëroi se nuk do të bënte lëshime ndaj kurdëve dhe se përgatitjet për një ofensivë kundër grupeve kurde të bazuara në Sirinë veriore ishin gati.
Turqit frikësohen se kurdët, të inkurajuar nga sukseset e tyre në fushën e betejës në Siri, do të ringjallin fushatën e tyre për pavarësi sapo të përfundojë tërheqja e forcave amerikane dhe koalicioneve të tjera.
Të vetmit që mund të përfitojnë nga çdo përkeqësim në marrëdhëniet midis Uashingtonit dhe Ankarasë mbi fatin e kurdëve është Daesh.
Nëse përparësi e Perëndimit mbetet shkatërrimi i plotë i Daeshit, atëherë është e nevojshme që kurdët të vazhdojnë të kenë mbështetje…
Të vetmit përfitues të një përçarjeje diplomatike midis Uashingtonit dhe Ankarasë do të jenë pikërisht ata që gjithë Perëndimi po përpiqet të shkatërrojë.
Con Coughlin është redaktorja e Daily Telegraph dhe kolumnistja kryesore e punëve të jashtme.
VAZHDO TË LEXOSH MË TEPËR PËR TEMËN
Erdogan: Do ta pastrojmë Sirinë nga kurdët dhe IS
Kurdët përsëri vetëm
Më në fund shpresë për paqe në Siri…
