Këshilltari i Sigurimit Kombëtar i Shtëpisë së Bardhë, John Bolton, ka paralajmëruar kundër dhunës apo frikësimit të diplomatëve amerikanë në Venezuelë ose udhëheqësit të opozitës Juan Guiadó, duke thënë se një veprim i tillë do të shkaktonte një përgjigje nga Shtetet e Bashkuara.
“Çdo dhunë dhe frikësim ndaj personelit diplomatik të SHBA, udhëheqësit demokratik të Venezuelës, Juan Guiado, do të bënte”, tha Bolton në një postim në Twitter post të dielën, duke fajësuar gjithashtu Kubën për mbështetjen e forcave ushtarake të udhëheqësit të Venezuelës, Nicolas Maduro.
Komentet e tij erdhën pasi Izraeli dhe Australia u bashkuan me grupin e vendeve që njihnin Guaidón si president të përkohshëm. “Ne tani i bëjmë thirrje të gjitha palëve të punojnë në mënyrë konstruktive drejt një zgjidhjeje paqësore të situatës, duke përfshirë një kthim në demokraci, respekt për sundimin e ligjit dhe ruajtjen e të drejtave të njeriut të popullit venezuelian”, tha të hënën në mëngjes ministri i punëve të jashtme të Australisë Marise Payne.
Maduro, ka kundërshtuar thirrjet nga bashkësia ndërkombëtare për të mbajtur zgjedhjet brenda tetë ditëve, duke zgjatur një krizë diplomatike.
Në një intervistë me CNN Türk që u transmetua të hënën, Maduro akuzoi kreun e opozitës, Juan Guaidó, për shkelje të “kushtetutës dhe të çdo ligji”.
Shtetet e Bashkuara, Kanadaja dhe një grup vendesh të Amerikës Latine e njohën me shpejtësi Guaidón, kreun e opozitës, dhe e konsideruan Maduron diktator, përgjegjës për krizën ekonomike dhe politike që përfshiu kombin e tij të Amerikës së Jugut.
Sidoqoftë, Maduro ka mbështetjen e Kinës, Kubës, Bolivisë dhe Turqisë dhe, më e rëndësishmja ndoshta, ai ende ka mbështetjen e ushtrisë.
Në intervistën e së dielës me CNN Türk, Maduro sulmoi edhe një herë SHBA-në, duke e quajtur sekretarin e shtetit, Mike Pompeo, “të dëshpëruar dhe plot urrejtje”.
Kur Trump zyrtarisht e njohu Guaido si president të përkohshëm të mërkurën e kaluar, Maduro ndërpreu shpejt marrëdhëniet diplomatike dhe kërkoi që të gjithë stafin të dilte nga ambasada deri të dielën.
VAZHDO TË LEXOSH MË TEPËR PËR TEMËN
“Zien” Venezuela/ Pse u shkëputën lidhjet me SHBA-në?
Rusia paralajmëron SHBA-në: Mos ndërhyni në Venezuelë
