Përmes një postimi në Facebook, ministri i Diasporës Pandeli Majko ka postuar një video ku shpërndahet një urim për të gjithë ata që do jenë pjesë e Samitit të dytë të Diasporës Shqiptare.
Samiti do të mbahet në datat 28 shkurt deri në 2 mars.
Në programin e samitit janë parashikuar realizimet e katër paneleve të diskutimit.
Në panelin e parë do të trajtohet tema: ” “Vota si e drejtë”, ndërsa fokusi i panelit të dytë do të jetë te ekonomia, ku do të trajtohet tema “Zhvillimi ekonomik i qëndrueshëm – Vendlindja dhe Diaspora”.
Paneli i tretë do të ketë në fokus të diskutimit “Identitetin shqiptar”.
Në panelin e katërt me temë “ Ftesë nga shtëpia juaj”, do të analizohen aspekte të ndryshme të turizmit dhe agroturizmit.
Postimi i Majkos:
“Mirëserdhët në shtëpi. Një urim për ata që do të vijnë në Samitin e Dytë të Diasporës shqiptare dhe pas tij”
