MENU
klinika

Detajet

Vrau 8 persona/ Sa vite burg rrezikon Ritvan Zykaj

19.02.2019 - 13:21

Prokuroria ka kërkuar burg për jetë për autorin e masakrës së Selenicës, Ritvan Zykaj.

Dosja e prokurorisë për autorin e masakrës së Selenicës ka kaluar në Gjykatën e Vlorës. Mësohet se dënimi burg përjetë kërkohet nga prokurori Saimir Smaka.

Ritvan Zykaj është autor i masakrës së Selenicës, ku më 10 gusht 2018, vrau 8 anëtarë të një familje në Selenicë, të cilët i kishte kushërinj të dytë.

ritvan-zykaj-konica.al
ritvan-zykaj-konica.al

NGJARJA

24-vjeçari Ridvan Zykaj u largua nga dreka familjare e me pas në gjendje “amoku” iu drejtua banesave të kushërinjve, ku qëlloi pa mëshirë mbi pleq e fëmijë, duke kryer masakren e pashembullt. Zykaj pasi rrëmbeu një kallashnikov në dorë, ka shkuar në drejtim të banesave të kushërinjve të tij.

Si fillim ai ka hyrë në oborrin e banesës së Besim Zykajt, ndërsa e ka gjetur kryefamiljarin aty dhe më pas ka hapur zjarr ndaj tij. Ai ka vrarë si fillim Besimin dhe gruan e tij, Vasilikën.

kolana e librave

Dora gjakatare e 24-vjeçarit ka shtënë edhe ndaj vajzës së Besimit, Sarës, 17 vjeçe, e cila qëndronte pak më larg prindërve dhe vëllain e saj të mitur, Ledjonin, vetëm 6 vjeç.

Pasi ka shuar familjen e parë, Ridvani ka ecur në drejtim të banesës së Demirit, (vëllait të gjyshit) ndërsa e ka vrarë atë teksa qëndronte në divan në ballkonin e shtëpisë, dhe më pas ka shtënë në drejtim të gruas së tij, duke e lënë dhe atë të vdekur në vend.

Ndërkohë, djali i Demirit, Azemi, pasi ka dëgjuar të shtënat me armë, ka dalë i tronditur bashkë me gruan për të parë se çfarë po ndodhte dhe iu drejtuan shtepisë se babait, por janë vrarë me breshëri plumbash të dy bashkë në rrugë.

VIKTIMAT

1- Demir Zykaj, 75 vjec (Vellai i gjyshit të autorit)
2- Ferie Zykaj, 72 vjece, (Gruaja e Demirit)
3- Besim Zykaj, 42 vjeç (Djali i demirit)

4- Vasilika Zykaj, (Gruaja e Besimit)
5- Sara Zykaj, 17 vjeçe (Vajza e Besimit)
6- Ledjon Zykaj, 6 vjec (Djali i Besimit)
7- Azem Zykaj (Djali i Demirit)
8- Afërdita Zykaj (Gruaja e Azemit)