Reshjet e borës që kanë vijuar edhe gjatë natës si dhe temperaturat e ulëta kanë krijuar vështirësi me kalimin në disa akse rrugore të vendit.
Autoriteti Rrugor Shqiptar përmes një njoftimi zyrtar ka bërë apel për të gjithë drejtuesit të tregohen të kujdesshëm dhe të respektojnë sinjalistikën rrugore.
Njoftimi:
Vazhdon puna për mirëmbajtjen dimërore me mjetet borëpastruese dhe fuqi punëtore.
Në Rajonin Verior pavarësisht reshjeve të dendura të borës në akset krysore nuk ka probleme me qarkullimin, me zinxhir kalohet vetëm në:
Ura Çerenecit-Stebleve (5 km e fundit).
Në Rajonin Qendror nuk ka probleme në qarkullimin e mjeteve në akset rrugore të tij. Kalohet me zinxhir vetëm në aksin Librazhd-Steblevë (në 8 km e fundit).
Vazhdon hedhja e kripes nga kontraktori.
Në Rajonin Jugor kalimi bëhet me zinxhir në rrugën Boboshticë-Dardhë, Korçë-Qafë Qarri-Ersekë nga km 14-22.
Në akset e tjera kalimi pa zinxhir. Drejtuesit e mjeteve të tregohen të kujdesshëm, të respektojnë sinjalistikën rrugore, të ecin me shpejtësi të reduktuar dhe të vendosin zinxhir në akset ku kemi lajmëruar.
