Në lidhje me marrëveshjen përfundimtare Kosovë-Serbi, kancelarja gjermane Angela Merkel ka dhënë mesazhin e saj të qartë.
Mediat serbe shkruajnë se Merkel përmes këshilltarëve Jan Hacker dhe Matthias Littenberg u ka bërë thirrje Prishtinës dhe Beogradit që të mos ndërmarrin veprime deri në maj ose në qershor.
Ky afat i dhënë nga Gjermania lidhet me përfundimin e ciklit të zgjedhjeve në Parlamentin Europian.
Media serbe ‘Telegraph’ shkruan se Gjermania ua ka bërë të qartë Prishtinës dhe Beogradit se çfarëdo delimitimi apo ndryshim i kufijve duhet të përjashtohet nga marrëveshja.
“Është një lojë që Gjermania e luan që në momentin kur Amerika është përfshirë në këtë histori. Zyryarisht ata u bëjnë thirrje Prishtinës që të heqin taksën ndaj mallrave serbe, mirëpo prapa skenës ata e inkurajojnë atë që të vazhdojë me këtë politikë”, citohet të jetë thënë nga këto burime.
Më tej në artikull thuhet se qëndrimi do t’u bëhet i qartë zyrtarëve shtetërorë në Prishtinë dhe Beograd.
