Pothuajse gjysma e amerikanëve ende besojnë se Presidenti Donald Trump punoi me Rusinë për të ndërhyrë në zgjedhjet presidenciale të 2016, sipas një sondazhi të ri Reuters/Ipsos, të kryer pasi avokati special, Robert Mueller, e mohoi këtë.
Amerikanët ndihen pak më pozitivë në lidhje me Trump pasi mësuan rezultatet e hetimit 22-mujor ndaj ndërhyrjes ruse në zgjedhje, tregoi sondazhi i opinionit kombëtar të publikuar të martën.
Por përmbledhja e Prokurorit të Përgjithshëm të SHBA William Barr për hetimin e Muellerit ndryshoi disi opinionin publik në lidhje me lidhjet e dyshuara të presidentit me Rusinë.
Sipas përmbledhjes së Barr, Mueller nuk gjeti prova se Trump kishte bashkëpunuar me Rusinë në zgjedhjet e vitit 2016.
Kur u pyetën në mënyrë specifike rreth akuzave për bashkëpunim dhe pengimin e drejtësisë, 48 për qind e të anketuarve thanë se besonin se “Trump ose dikush nga fushata e tij bashkëpunoi me Rusinë për të ndikuar në zgjedhjet e 2016”.
Sondazhi mati reagimin e publikut në Shtetet e Bashkuara të hënën dhe të martën, pasi u publikua përmbledhja e raportit, duke mbledhur përgjigje në internet nga 1,003 të rritur.
Demokratët kanë bërë thirrje për të publikuar raportin e plotë, një qëndrim të përbashkët nga shumica e të anketuarve në sondazh.
Ndër ata që e kishin lexuar përmbledhjen e Barr, vetëm 9 për qind thanë se kishin ndryshuar mendim tteth lidhjeve të Trump me Rusinë dhe 57 për qind thanë se duan të shohin të gjithë raportin.
Tridhjetë e tetë përqind, mbështesin përpjekjet e udhëheqësve demokratë për të vazhduar hetimet e Rusisë në Kongres, sipas sondazhit.
Sondazhi gjithashtu zbuloi se 39 për qind mendonin se Trump “duhet të fajësohet”, ndërsa 49 për qind mendonin se ai nuk duhet.
Reuters
VAZHDO TË LEXOSH MË TEPËR PËR TEMËN
Raporti i Mueller, fundi i Trumpit?
Raporti i Mueller dhe një fitore për Trump
Detaje të fshehta me Putin/ Trump mohon gjithçka
