Formula 1 është një sport që gjeneron shumë të ardhura, ku pilotët paguhen me shumë marramendëse, por Lewis Hamilton është “mbreti”.
Sipas një renditje të publikuar sot nga “Formula Money”, piloti britanik i Mercedes është piloti më i paguar në historinë e Formula 1, me 489 milionë dollarë.
Kjo është shuma e arkëtuar nga britaniku në 12 vite karrierë në garat e automobilizmit, mes rrogës dhe premiove që ka fituar nga viti 2007, sezoni kur debutoi në Formula 1.
Në vendin e dytë renditet legjenda Michael Schumacher dhe pas tij spanjolli Fernando Alonso. Vetëm i katërti Sebastian Vettel, ndërkohë që në “top-10” pilotët më të pasur janë 6 ferraristë.
10 PILOTËT MË TË PASUR TË HISTORISË SË F1
1.Lewis Hamilton, 489 milionë dollarë
2.Michael Schumacher, 464 milionë dollarë
3.Fernando Alonso, 458 milionë dollarë
4.Sebastian Vettel, 358 milionë dollarë
5.Kimi Raikkonen, 331 milionë dollarë
6.Jenson Button, 147 milionë dollarë
7.Ralf Schumacher, 121 milionë dollarë
8.Jacques Villeneuve, 115 milionë dollarë
9.Felipe Massa, 110 milionë dollarë
10.Rubens Barrichello, 110 milionë dollarë
