Një tjetër shqiptar ka mbetur i plagosur sot në burgun e Koridhalos në Greqi, duke shënuar një tjetër incident të rëndë në këtë burg, i njohur për vrasjet e shumta të shqiptarëve.
Mediat greke shkruajnë se incidenti ka ndodhur sot në mëngjes në krahun D, të burgut dhe i plagosur ka mbetur një 27 vjeçar shqiptar, i cili ishte sjellë në burg nën akuzën e drogës.
Bashkë me të është dhunuar edhe një i burgosur grek, 33 vjeçar i arrestuar për grabitje dhe vjedhje.
Një grup të burgosurish, i kanë goditur dy të rinjtë me kordonë të improvizuar.
Dy të burgosurit e lënduar u dërguan fillimisht në spitalin e burgut dhe më pas në një spital të jashtëm për mjekime më të specializuar.
“Kathimerini” shkruan se një hetim disiplinor është urdhëruar nga Ministria e Drejtësisë për rastin që përsëritet.
VAZHDO TË LEXOSH MË TEPËR PËR TEMËN
‘’Delegacioni’’, filmi që nis rrugëtimin ndërkombëtar
