Zëdhënësja e Bashkimit Evropian, Maja Kocijançiç, teksa ka komentuar dialogun ndërmjet Prishtinës dhe Beogradit tha se përsa i përket tarifave dhe hapave të tjerë për dialog, pozicioni i tyre është i qartë.
Dialogu mes dy vendeve ka mbëtur i ngrirë që nga nëntori i vitit të kaluar.
Shkak është bërë vendosja e taksës doganore 100% nga ana e Qeverisë së Kosovës për mallrat serbe dhe boshnjake.
Ndonëse ky vendim u mbështet nga qytetarët e Kosovës, ndryshe reagoi Bashkimi Evropian, zyrtarë të cilës vazhdimisht deklaruan se taksa duhet hequr.
Po ashtu, kundër u shprehen edhe Shtetet e Bashkuara të Amerikës.
Kocijançiç tha se nuk ka alternativë tjetër për vazhdimin e dialogut, pos heqjes së taksës.
“Siç e kemi thënë vazhdimisht, BE se bashku me shtetet anëtare dhe SHBA, i bëjnë thirrje Qeverisë së Kosovës që të pezullojë tarifat në mënyrë që të lejojë rifillimin e shpejtë të dialogut. Nuk ka alternativë tjetër për rifillimin e shpejtë të dialogut ndërmjet dy palëve”, thuhet në përgjigjën e saj.
Sipas Koçijançiç këto tarifa doganore po bllokojnë jo vetëm dialogun, por edhe rrugën evropiane.
“Tarifat jo vetëm qëndrojnë në rrugën e dialogut, por gjithashtu qëndrojnë në rrugën evropiane të Kosovës”, ka theksuar ajo në përgjigjën e saj.
VAZHDO TË LEXOSH MË TEPËR PËR TEMËN
“Marrëveshja Kosovë-Serbi arrihet në nëntor”
‘Thaçi dhe Vuçiç kanë gjetur zgjidhjen e gabuar’
‘Dialogun e udhëheqin Thaçi e Vuçiç’
