01.04.2019 - 12:54
Rreth një muaj më parë në mediat rozë u përhap lajmi se Ermal Fejzullahu do të bëhej baba sërish. Bashkëshortja e tij, Ariana, vendosi ta mohonte lajmin, duke dashur të jenë të rezervuar deri në një moment të dytë.
Kur u pyet nëse thashethemet janë të vërteta ai tha: “Po, është e vërtetë. Dashtë Zoti të jemi me shëndet, të jetë mirë ajo ka rëndësi”.
Së fundmi vetë këngëtari konfirmon se do të bëhet sërish baba.
Më pas ai ka shtuar se gjininë e fëmijës nuk e kanë mësuar ende, sepse Ariana duhet të jetë në muajt e parë të pritjes së ëmbël. Ermali ka thënë se dhe fëmijët e tyre janë shumë të lumtur, por vajza e vogël është vetëm 5 vjeç ndihet paksa xheloze.
