Rudina Hajdari i është përgjigjur kritikave të ish-deputetëve të Partisë Demokratike për faktin se i kërkoi një minutë heshtje në Parlamen Gramoz Ruçit për 4 dëshmorët e 2 prillit.
Përmes një postimi në Facebook, Hajdari shprehet se nuk ishte fyerje ajo që bëri, por vetëm një akt dinjitoz.
Ajo gjithashtu shpërtheu në akuza kundër PD-së, duke i kujtuar se ka bërë politikë për 28 vite me Gramoz Ruçin, ndërkohë që pranoi në grupin e saj Parlamentar, Kastriot Islami dhe Lufter Xhuvelin.
Postimi i plotë:
“Të kërkosh nderim zyrtar me heshtje në Kuvend për Martirët e Demokracisë nuk është fyerje por akt dinjitoz për ata që besojnë në vlerat demokratike.
Ata që bëjnë sikur e duan shumë të djathtën duhet të kenë parasysh se me Gramoz Ruçin dhe partinë e tij kanë 28 vjet që bëjnë politikë.
Mos të harrojnë historinë se Z. Islami që ishte Kryetar i Kuvendit Komunist e kanë bërë pjesë të grupit parlamentar ndërsa me Lufter Xhuvelin kanë mbajtur koalicion.
Drejtësi duhet të bëhet për Martirët e Demokracisë ashtu siç edhe për dhjetra raste të rënda në Shqipëri të cilat kanë mbetur si gjurma në akull si shkak i politikës 28 vjeçare..!”, thekson Hajdari.
VAZHDO TË LEXOSH MË TEPËR PËR TEMËN
