26.04.2019 - 13:38
PD ka rënë sërish pre e tradhtisë nga kandidatët e listës së saj.
Bëhet fjalë për kandidatin e 35 në listën e Qarkut të Tiranës, Indrit Fatmir Hoxha, i cili ka “tradhtuar” vendimin politik të opozitës.
Ai ka dorëzuar sot formularin e vetëdeklarimit në Komisionin Qendror të Zgjedhjeve.
Indrit Hoxha ka mbajtur postin e Sekretarit të Burimeve Njerëzore në Forumin Rinor të PD-së.
Ndërkohë që ai në CV e dorëzuar në KQZ thekson se ka punuar si nëpunës i administratës publike, Bashkia e Tiranës.
Në formularin e dekriminalizimit të dorëzuar në KQZ ai shkruan se është shoqëruar dy herë në Komisariatet e Policisë së Tiranës.
Ndërkohë që vetëm njëherë është arrestuar me akuzën e “Shkatërrimit të pronës”.
