“U deshën 15 vite që të arrihej në këtë ditë”, kështu u shpreh kryeministri Rama gjatë fjalës së tij në prezantimin e projektit për transformimin e Piramidës në një qendër të madhe për Teknologji Informacioni.
Rama tha se ky projekt është mjaft interesant dhe ndër projektet më pak të kushtueshme.
“Duhet të ketë qenë rreth 15 vjet më parë kur i kam bërë një pyetje vinit…. më mundonte shumë kur isha kryetar bashkie, fakti që piramida mbetej aty si një shprehjeje torturues e pamundësisë për ti ikur asaj që përfaqësonte në kohën e kaluar dhe për ti dhënë një jetë të re.
U deshën 15 vjen që Vini ti japë përgjigje pyetjes, duke ia dalë të fitojë një sfidë, atë të transformimit të një ikone arkitektonike të krijuar për një qëllim tjetër, në një vlerë të quajtur për një kohë të re.
Është një projektet ambicioz dhe si rrallë herë nuk është i shtrenjtë.
Ndoshta më pak i shtrenjtë i ndërtuar nga Vini, jam i bindur se do të jetë në katalogun e tij një ndër projektet më të bukur, më interesantë, sepse kombinon një arkeologji të së shkuarës në gjithë kapacitetin për të ndërtuar lirisht të ardhmen”, tha Rama.
