MENU

Formula 1

Provat në Kinë/ ‘Fluturon’ Bottas, zhgënjen Hamilton

12.04.2019 - 19:22

Çmimi i Madh i Kinës do të jetë ndalesa e tretë sezonale për Formulën 1, ndërsa sot janë zhvilluar edhe dy sesionet e provave të lira.

Piloti finlandez i Mercedesit, Valteri Bottas, ishte më i shpejti në pistën kineze, duke konfirmuar formën spektakolare këtë sezon.

Ndjekësi i tij më i afërt i tij ishte Sebastian Vettel. Piloti gjerman i Ferrarit duket se e ka hedhur pas krahëve garën e Bahreinit, ndërsa i treti u rendit piloti i Red Bull, Max Verstappen.

Kampioni i botës në fuqi, Lewis Hamilton, nuk shkoi më shumë se vendi i katërt.

Ndërkohë, piloti tjetër i Ferrarit, Charles Leclerc regjistroi kohën e shtatë më të mirë.

Ky i fundit pati probleme me makinën e tij, të cilat skuadra italiane shpreson t’i rikuperojë para provave zyrtare.