26.04.2019 - 11:20
PD ka mbyllur protestën te Ura e Bahçallëkut në Shkodër. Dhjetëra protestues bllokuan rrugën për të mos lejuar kryeministrin Edi Rama që të kalonte.
Pas rreth një ore protestë, mbështetësit e opozitës u shpërndanë, pas të dhënave se eskorta e kryeministrit kishte devijuar rrugë.
Dyshohet se kryeministri ka ndjekur rrugën dytësore për të hyrë në Shkodër, ku do të prezantojë kandidatin e PS për kryetar bashkie gjatë aktivitetit “Bashkia që duam”, ndërsa më pas do të udhëtojë në drejtim të Koplikut.
Në protestën e sotme në hyrje të Shkodrës morën pjesë edhe ish-deputetë të PD si Bardh Spahia dhe Flamur Noka.
Mes tyre kishte edhe përfaqësues të FRPD Shkodër si dhe kreu i këtij forumi, Arvit Bushati.
