Kryemistri Edi Rama është pritur me protesta sot në veri të vendit, pak para nisjes për në Malësi të Madhe, në kuadër të ’Bashkisë që Duam’.
Lidhur me rastin, ai reagon në Twitter duke shprehjen keqardhjen për protestuesit, të cilit i quan ’grup i vopgël njerëzish“.
“Rrugës për Malësi të Madhe.
Sinqerisht i keqardhur për grupet e vogla të njerëzve të mbledhur kthesave nga ata që pasi e çuan në qorrsokak PD, orvaten më kot të çojnë në qorrsokak edhe Shqipërinë!
Pak nga pak edhe këta njerëz do e kuptojnë se fajin u’a kanë udhëheqësit e verbër“, shkruan Rama në Twitter.
Më heret PD mbylli protestën te Ura e Bahçallëkut në Shkodër. Dhjetëra protestues bllokuan rrugën për të mos lejuar kryeministrin Edi Rama që të kalonte.
Pas rreth një ore protestë, mbështetësit e opozitës u shpërndanë, pas të dhënave se eskorta e kryeministrit kishte devijuar rrugë.
