SHBA po konsideron vendosjen e tarifave në vlerë prej 11 miliardë dollarë ($ 8.4bn) ndaj Bashkimit Europian në përgjigje të subvencioneve që Bashkimi Europian i ka dhënë prodhuesit francez të avionëve “Airbus” ndër vite
Organizata Botërore e Tregtisë (WTO) ka zbuluar se subvencionet kanë një ndikim negativ në SHBA.
BE tha se shifra prej 11 miliardë dollarësh ishte “shumë e ekzagjeruar”. Ky veprim do të shënonte një përshkallëzim në tensionet tregtare midis SHBA dhe BE.
“Ky rast ka qenë në proces gjyqësor për 14 vjet dhe ka ardhur koha për veprim. Administrata po përgatitet të përgjigjet menjëherë”, tha Përfaqësuesi i Tregtisë së SHBA Robert Lighthizer.
“Qëllimi ynë përfundimtar është arritja e një marrëveshjeje me BE-në për t’i dhënë fund të gjitha subvencioneve të paqëndrueshme të OBT-së për avionë të mëdhenj civilë. Kur BE të përfundojë këto subvencione të dëmshme, tarifat shtesë të Shteteve të Bashkuara mund të hiqen”.
Një listë paraprake e mallrave, që mbulon një gamë të gjerë të artikujve, është bërë publike dhe përfshin, filetot e salmonit, djathë, limon, vaj ulliri verë, etj.
Vitin e kaluar, SHBA filloi taksat mbi importet e çelikut dhe aluminit nga aleatë kryesorë, përfshirë BE.
Muajin e kaluar, Presidenti i SHBA, Donald Trump kërcënoi të vendoste tarifa për makinat e importuara nga BE, nëse të dyja palët nuk mund të arrinin një marrëveshje tregtare.
SHBA po negocion aktualisht një marrëveshje tregtare me Kinën, por tarifat e vendosura nga të dy vendet tashmë kanë ndikuar në ekonominë globale këtë vit.
Lëvizja amerikane vjen pak para hapjes së negociatave mes Brukselit dhe Uashingtonit për taksat industriale, ndërkohë që në anën tjetër vijojnë me optimizëm negociatat mes SHBA dhe Kinës, që ka qenë në shënjestër të strategjisë proteksioniste të Shtëpisë së Bardhë. E pasi ka kërcënuar Meksikën me taksa mbi makinat e saj, në rast se vendi nuk bashkëpunon në planin anti-emigracion të SHBA, mbetet në këmbë edhe përballja me Evropën.
VAZHDO TË LEXOSH MË TEPËR PËR TEMËN
A është Kina ”fajtore” për situatën në Korenë e Veriut?
“Zemërimi” amerikan për tarifat
BE sanksione të reja Iranit
