Në kulmin e krizës politike Shtetet e Bashkuara të Amerikës sjellin në Tiranë zv/ ndihmës sekretarin e Shtetit, Matthew Palmer. Palmer do të zhvillojë një tur ballkanik me synimin e rikthimit të stabilitetit politik në Ballkan.
Në Tiranë, zyrtari i lartë amerikan do të takohet të hënën pasdite me kryeministrin Edi Rama, ndërsa të martën e 9 prillit, pritet të takohet rreth orës 17:30 me presidentin Ilir Meta. Po këtë ditë zyrtari amerikan ka rezervuar takime me kreun e PD-së, Lulzim Basha dhe drejtues të tjerë të opozitës.
Zv.ndihmës sekretari amerikan Matthew Palmer, pas takimeve me zyrtarët e lartë pritet të ketë një takim me gazetarë shqiptarë, për të shprehur mendimet e tij në lidhje me situatën në vend.
Para vizitës së zv/sekretarit Palmer, në Tiranë këto ditë ishte zyrtari i Departamentit Amerikan të Shtetit, Jonathan Moore, i cili zhvilloi disa takime me politikanë shqiptarë, mes të cilëve edhe me deputeten e PD-së Rudina Hajdari dhe ish kryeministrin Sali Berisha.
Nuk dihet ende qëndrimi që do të mbajë i dërguari amerikan në Tiranë, por nuk është hera e parë që SHBA investohet në zgjidhjen e konflikteve politike në Shqipëri.
Një ditë para se opozita te digjte mandatet, Zv/Ndihmës Sekretari i Shtetit për Evropën Matthew Palmer bisedoi ne telefon me kreun e PD Lulzim Basha dhe kryetaren e LSI Monika Kryemadhi, të cilët i këshilloi të mos hiqnin dorë nga mandatet në mënyrë kolektive, pasi kjo dëmtonte përpjekjet për reforma dhe demokracinë parlamentare.
Ishte po ashtu i dërguari amerikan Hoyt Yee i cili erdhi në Tiranë pikërisht para marrëfveshjes së 17 majit mes kreut të opozitës dhe kryeministrit Edi Rama.
VAZHDO TË LEXOSH MË TEPËR PËR TEMËN
‘Kriza politike po na lë pa turistë’
Ambasada amerikane: Krimi ka frikë nga drejtësia
BE: Votime do të ketë, kërkohet finalizim i reformës zgjedhore
