09.05.2019 - 11:39
Gjatë ditës së sotme në Tiranë po zhvillohet samiti i Brdo-Brijunit.
Në këtë samit mblidhe presidentët e gjashtë vendeve të rajonit për të vijuar traditën e samiteve, iniciativë kjo e lançuar që në vitin 2013 nga presidentët e Kroacisë dhe Sllovenisë.
Samiti përkon me Ditën e Europës për të cilën liderët e Ballkanit Perëndimor u angazhuan për t’i afruar vendet e tyre me Unionin Europian.
Ndërkohë, pak përpara nisjes të këtij samiti, presidenti i Kosovës Hashim Thaçi ka patur një shtrëngim duarsh të ftohtë me homologun e tij serb Aleksandër Vuçiç.
Mirëpo, teksa me Vuçiç pati këtë përshëndetje të ftohtë, Thaçi injoroi liderin e serbëve në Bosnjë, Milorad Dodik.
Kujtojmë që Dodik është në listën e zezë të SHBA-ve për krime lufte.
