31.05.2019 - 15:51
Është zbuluar shkaku i vdekjes së Tales Soares. Sipas një raporti autopsie, modeli vdiq nga një sëmundje në zemër, e pa diagnostikuar.
Modeli brazilian vdiq në mënyrë të menjëhershme, pasi u rrëzua papritur në pasarelë në Javën e Modës në Sao Paulo muajin e kaluar.
Në detajet e dokumentit të publikuara nga media braziliane G1 të enjten thuhet se 26-vjeçari kishte probleme me zemrën.
Tragjikisht ai nuk arriti ta zbulojë sëmundjen gjatë kohës që ishte gjallë.
Sëmundja përparoi me shpejtësi në edemën pulmonare akute. Ishte akumulimi i lëngjeve në mushkëri ai që e vrau Soares.
Para se të vdiste Tales nuk ishte diagnostikuar me asnjë problem shëndetësor.
