Pak orë para nisjes së protestës, Ambasada britanike dhe Ambasade gjermane deklarojnë se duhet urgjensisht dialog mes palëve për të zgjidhur krizën politike.
Në deklaratë, dy ambasadat riktheksojnë rëndësinë e një proteste të rregullt e paqësore.
“Ne dënojmë të gjitha aktet e dhunshme që kanë ndodhur në protestat e mëparshme të opozitës. Asnjë formë e nxitjes së dhunës nuk është e tolerueshme. Përdorimi i eksplozivëve ose i ndonjë sendi tjetër të projektuar për të shkaktuar lëndime është krejtësisht i papranueshëm. Ne vazhdojmë ti bëjmë thirrje të gjitha palëve të ulen urgjentisht në dialog për të tejkaluar krizën politike që ka kapluar vendin”, thuhet ne deklarate.
Edhe Ambasadorja e Gjermanisë në Tiranë, Susanne Schütz iu ka bërë apel palëve të angazhohen urgjentisht në dialog, ndërkohë që dënon dhunën dhe bën thirrje për protesta paqësore.
“Ndërkohë që respektojmë plotësisht të drejtën themelore të qytetarëve shqiptarë për të demonstruar, ritheksojmë rëndësinë e ushtrimit të kësaj të drejte në mënyrë të rregullt dhe paqësore. Ne dënojmë të gjitha aktet e dhunshme që kanë ndodhur në protestat e mëparshme.
Asnjë formë e nxitjes së dhunës nuk është e tolerueshme. Përdorimi i eksplozivëve ose i ndonjë sendi tjetër të projektuar për të shkaktuar lëndime është krejtësisht i papranueshëm. Është përgjegjësi e drejtuesve të protestës të sigurojnë që demonstrimet të mbahen në mënyrë të sigurt si për pjesëmarrësit ashtu dhe për banorët e tjerë Tiranës, si dhe për të shmangur çdo përshkallëzim gjatë protestave.
Autoritetet e zbatimit të ligjit gjithashtu kanë përgjegjësi për të vepruar me përmbajtje, edhe nëse provokohen. Ne vazhdojmë t’i bëjmë thirrje të gjitha palëve të angazhohen urgjentisht në një dialog konstruktiv për të kapërcyer situatën aktuale politike”, thuhet në deklaratë.
VAZHDO TË LEXOSH MË TEPËR PËR TEMËN
Protesta e opozitës/ BE apel: Të shmanget çdo përshkallëzim!
Basha kërkon PS-në, por jo Ramën/ Meta anulon zgjedhjet!
