Disa orë para protestës së opozitës, delegacioni i BE në Tiranë ka dalë me një deklaratë ku apelon për protestë paqësore dhe shmangien e akteve të dhunës.
“Ndërkohë që respektojmë plotësisht të drejtën themelore të qytetarëve shqiptarë për të demonstruar, ritheksojmë rëndësinë e ushtrimit të kësaj të drejte në mënyrë të rregullt dhe paqësore.Ne dënojmë të gjitha aktet e dhunshme që kanë ndodhur në protestat e mëparshme. Asnjë formë e nxitjes së dhunës nuk është e tolerueshme”.
Për delegacionin e BE-së, përdorimi i eksplozivëve ose i ndonjë sendi tjetër të projektuar për të shkaktuar lëndime është krejtësisht i papranueshëm.
“Është përgjegjësi e drejtuesve të protestës të sigurojnë që demonstrimet të mbahen në mënyrë të sigurt si për pjesëmarrësit ashtu dhe për banorët e tjerë Tiranës, si dhe për të shmangur çdo përshkallëzim gjatë protestave”
Një porosi vjen edhe për policinë e shtetit.
“Autoritetet e zbatimit të ligjit gjithashtu kanë përgjegjësi për të vepruar me përmbajtje, edhe nëse provokohen”.
Delegacioni i BE-së vazhdon tu bëjë thirrje të gjitha palëve të angazhohen urgjentisht në një dialog konstruktiv për të kapërcyer situatën aktuale politike.
VAZHDO TË LEXOSH MË TEPËR PËR TEMËN
Protesta e opozitës së bashkuar/ Çfarë pritet të ndodhë?
