Kosova është ndalur në barazim 1-1 nga Mali i Zi, në përballjen e vlefshme për raundin e dytë të Grupit A në kualifikueset për Euro 2020.
Kosova kaloi në avantazh në minutën e 24’ me Rashicën që shënoi në diagonale nga brenda zonës, pas një aksioni perfekt.
Gjithsesi, “Dardanët” nuk ditën të administrojnë si duhet epërsinë, duke u barazuar në të 69, nga Mugosa, që shënoi pas asistit të Jankovic.
Minutat e mbetura u zhvilluan kryesisht në gjysmëfushën malazeze, me Kosovën që u shfaq dukshëm kërkuese dhe me dëshirë për të marrë 3 pikët në Podgoricë, por si Rashica, ashtu edhe Muriqi e Zhegrova, nuk arritën të shfrytëzojnë rastet.
Rezultati mbeti i pandryshuar deri në përfundim dhe “Dardanët” nuk arritën të shfrytëzojnë dot rastin për të marrë 3 pikë.
Pas dy ndeshjeve, Kosova renditet në vend të tretë të klasifikimit të Grupit A, me dy pikë, pas Anglisë me 6 pikë dhe Republikës Çeke me 3 pikë.
Në sfidat e tjera, Ukraina shkatërroi 5-0 Serbinë, ndërsa Spanja triumfoi 1-4 ndaj Ishujve Faroe.
VAZHDO TË LEXOSH MË TEPËR PËR TEMËN
Reja-s ‘nuk i trembet syri’: S’dua Shqipëri frikacake!
Nations League/ ‘Tulipanët’ djegin ‘Luanët’!
