“Partia Uniteti Kombëtar do të shkojë në zgjedhje të dielën”, kështu deklaroi kreu i kësaj partie Idajet Beqiri.
Deklarata e tij erdhi pas vendimit të KQZ që rrëzoi padinë e PUK për t’u çregjistruar nga këto zgjedhje për shkak të dekretit të Presidentit të Republikës.
Beqiri tha se vendimi i Kolegjit është detyrues dhe se më 30 qershor do të shkojnë në zgjedhje.
“Jemi të detyruar. Është një vendim që jepet nga organi më i lartë. Ky vendim që rrëzon kërkesën tonë dhe thotë që më 30 qershor do shkoni në zgjedhje është detyrues dhe jemi të detyruar të shkojmë në zgjedhje.
Thelbi i padisë tonë ishte dekreti i Presidentit. Në iu drejtuam Kolegjit për të mësuar nëse ky dekret i Presidentit është i vlefshëm apo i vlefshëm.
Unë mund të kem mendime individuale, personale të miat por problemi ishte që vendimmarrja jonë ishte politike dhe juridike”, deklaroi Beqiri.
VAZHDO TË LEXOSH MË TEPËR PËR TEMËN
Shkodër/ Vrasja në lokal, 18 vite burg autorit
Cilat janë partitë që garojnë në zgjedhjet vendore të 30 qershorit?
