Një ftesë zyrtare i është dërguar presidentit të Kosovës Hashim Thaçi nga kryesuesi i Presidencës në Bosnjë e Hercegovinë, Miloard Dodik.
Ftesa dërguar Thaçit është për të marrë pjesë në Samitin e Procesit të Bashkëpunimit në Evropën Juglindore.
Mediat boshnjake shkruajnë se Thaçi javën që vjen do të marrë vendimin nëse do t’i përgjigjet ftesës së Dodik.
Samiti do të fillojë më 1 korrik 2019, ndërsa janë planifikuar takime të ministrave dhe presidentëve të vendeve të Evropës Jugore në Jahorinë dhe në zyrën e Presidencës së BeH.
Presidentët e shteteve të rajonit do të priten në tepihun e kuq para ndërtesës së Presidencës së BeH, ku do të jenë të vendosur pjesëtarët e Forcave të Armatosura të BeH.
Ftesat me nënshkrimin e Dodik tashmë u janë dërguar presidentëve të rajonit, sikurse edhe presidentit Thaçi, nëpërmjet Ministrisë së Punëve të Jashtme të BeH, shkruan media boshnjake Klix.
Po ashtu, ftesat janë dërguar edhe në adresat e të gjitha ministrive të Jashtme të vendeve të Samitit të Procesi i Bashkëpunimit në Evropën Juglindore- SEECP.
VAZHDO TË LEXOSH MË TEPËR PËR TEMËN
Rusia gjithmonë një mbështetje edhe për Bosnjen…
Haradinaj-Dodik: T’a shohësh në ëndërr…
Thaçi refuzon papritur drekën me Metën, Dodik dhe Vuçiç
