Një ditë më parë në Greqi u zhvilluan zgjedhjet parlamentare, ku fitues doli Qirjako Mitsotakis i “Demokracisë së Re”.
Përmes një mesazhi në “Twitter”, ish-ministri Bushati thekson rolin e rëndësishëm të Greqisë në integrimin evropian të rajonit, përfshirë edhe Shqipërinë.
Më tej Bushati falënderon dhe ish-kryeministrin Aleksis Tsipras dhe ish-ministrin e Jashtëm grek, Nikos Kotzias, që sipas tij, ndihmuan në përmirësimin e marrëdhënieve mes dy vendeve fqinje, por edhe në stabilitetin e Ballkanit Perëndimor, përmes marërveshjes së Prespës.
“Urime Mitsotakis dhe Demokracia e Re për fitoren. Si anëtare me përvojë e BE, Greqia ka një rol të rëndësishëm në integrimin evropian të rajonit tonë.
Besojmë se lidhjet do të forcohen më tej në dobi të vendeve dhe popujve tanë. Mirënjohje për Tsipras dhe Nikos Kotzias, të cilët ndihmuan në përmirësimin e marrëdhënieve dhe kanë sjellë stabilitet shumë të nevojshëm në Ballkanin Perëndimor përmes marrëveshjes së Prespës”, shkruan Bushati.
VAZHDO TË LEXOSH MË TEPËR PËR TEMËN
A do të ketë Dejton të ri për Kosovën?
“Historia e Filozofisë Botërore” – si bota mendon
