Një i moshuar është arrestuar nga policia e Kukësit pasi ka kërcënuar familjen e tij se do t’i vrasë dhe do të djegë shtëpinë me benzinë.
Policia thotë ngjarja ka ndodhur në fshatin Kalimash, ndërsa i arrestuari është 79 vjeçari me iniciale I.S
“Pas dhunës psikologjike të ushtruar ndaj familjarëve të tij dhe nipit, i ka kanosur me armë gjahu, si dhe të djegë shtëpinë me benzinë”, thotë policia.
Po ashtu policia sqaron se për motive të dobëta, i moshuari ka shkatërruar orenditë e banesës, ka ushtruar dhunë psikologjike ndaj familjarëve dhe nipit dhe më pas i ka kanosur me një armë gjahu çifte, si dhe ka tentuar të djegë shtëpinë me benzinë.
Pas njoftimit, policia ka mbërritur menjëherë në vendin e ngjarjes. i cili në bashkëpunim me familjarët i kanë marrë çiften dhe shishen e benzinës shtetasit I.S. duke e vënë në pranga.
Në cilësinë e provës materiale u sekuestrua arma e gjahut (çifte), disa fishekë, një shishe benzinë dhe një çakmak.
Materialet për veprime të mëtejshme i kaluan Prokurorisë së Rrethit Gjyqësor Kukës, për veprat penale “Dhuna në familje”, “Kanosja” dhe “Shkatërrimi i pronës e mbetur në tentativë”.
