Kalaja e Himarës vetëm para pak ditësh ra pre e parrullave antishqiptare.
Këto mbishkrime “Himara, tokë greke”, “Kacifas i pavdekshëm”, tanimë janë fshirë nga muret e kalasë së Himarës.
Mirëmbajtësit e monumeteve të Kulturës thonë se janë marrë të gjitha masat që fenomeni i ndodhur të mos përsëritet, ndërsa theksojnë se këto mbishkrime janë bërë nga fëmijët e zonës.
‘Sëbashku me punonjësit e drejtorisë dhe të organeve të pushtetit këtu në Himarë, erdhëm direkt, bëm fshirjen e këtyre dhe morëm masat e duhura që asnjë parrullë që ishte shkruar të mos dukej.
Janë fëmijë që vijnë dhe shkruajnë. Ndoshta edhe ndonjëri i ka mësuar që të shkruajnë. Sepse tani që i kanë marrë pushimet fëmijët, tanmi janë bërë edhe këto shkrimet.’-tha Xhebro.
Ibrahim Xhebro thotë se dhe po merren masa për shtimin e sigurisë në mënyrë që të mos ndodhin më raste të tilla.
