Kryetari i Kuvendit, Gramoz Ruçi ka vendosur që në seancën plenare datë 8 korrik 2019, ora 17:00 do të shqyrtohet kërkesa për shkarkimin e Presidentit të vendit, Ilir Meta.
“Bazuar në Urdhrin e Kryetarit të Kuvendit nr. 24, datë 4.7.2019 Kuvendi do të mblidhet në seancë plenare datë 8 korrik 2019, ora 17:00 me këtë rend dite:
Shqyrtimi i raportit të Komisionit për Çështjet Ligjore, Administratën Publike dhe të Drejtat e Njeriut dhe propozimit të Komisionit për ngritjen e komisionit hetimor parlamentar, bazuar në kërkesën e një grupi deputetësh për shkarkimin nga detyra të Presidentit të Republikës z. Ilir Meta”, thuhet në njoftimin për mediat.
Nga ana tjetër, në 8 Korrik opozita do të zbarkojë sërisht në bulevard për protestën e 10-të kombëtare, me qëllim krijimin e një qeverie tranzitore.
VAZHDO TË LEXOSH MË TEPËR PËR TEMËN
Meta takon kongresmenin amerikan: Nuk ka forcë në botë që…
Rama dhe Zaev e kanë vendosur. Nuk dalin nga Samiti pa ‘negociata’!
