MENU
klinika

Greqia nuk gjen qetësi

Digjet Athina, zjarret rrezikojnë shtëpitë

13.08.2019 - 11:46

Një zjarr i madh ka përfshirë periferinë e Athinës duke rrezikuar pyjet dhe disa banesa.

Zjarrfikësit grekë kanë mundur ta vënë nën kontroll zjarrin e fuqishëm, ndërsa të paktën dy shtëpi u dogjën.

Fatmirësisht nuk pati raportime për të lënduar pasi policia evakuoi shpejt zonën dhe bllokoi rrugët.

Autoriteti i mbrojtjes civile tha se zjarri nisi rreth orës tre të mëngjesit në periferinë lindore Peania, në një zonë kodrinore të mbushur me pisha.

kolana e librave

zjarr athine greqi
zjarr athine greqi

Më shumë se 130 zjarrfikës u dislokuan në vendngjarje për të ndaluar përhapjen e flakëve në zonat e banuara përreth. Edhe avionët zjarrfikës nga qielli ndihmuan në operacion.

Greqia është prekur nga një numër vatrash zjarri që nga fundjave kur erërat e forta dhe temperaturat rreth 40 gradë celcius ndihmuan në përshkallëzimin e situatës.

Të dielën, një zjarr në ishullin Elafonisos në rajonin e Peloponezit u vu nën kontroll pas dy ditësh përpjekje. Vlerësohet se është djegur thuajse çereku i ishullit ç’ka edhe ka detyruar autoritetet të evakuojnë një kamping dhe një hotel.

Mitsotakis tregon kur mund të hyjnë turistët e huaj

Greqia rihap ishujt për pushime

Ja sa shtetas erdhën në Shqipëri në 24 orë

Kakavijë/ Fluks hyrjeje në doganën shqiptare

Lëkundjet ndihet dhe në Shqipëri

Tërmet me magnitudë 5.8 në Greqi