MENU

Konstituimi i Këshillit Bashkiak në heshtje

Pjetri në krye të Bashkisë? PS pezullon betimin

14.08.2019 - 11:04

Pezullohet konstituimi i këshillit bashkiak të Shkodrës dhe betimi i kryetarit të ri të bashkisë, Valdrin Pjetri.

Kjo vjen një ditë pasi Partia Demokratike publikoi dokumente të autoriteteve italiane të cilat dëshmojnë se i zgjedhuri i Partisë socialiste, ka qenë i dënuar në Itali nën akuzën e prodhimit dhe trafikimit të substancave narkotike.

Bëhet me dije se vendimi për pezullimin e konstituimit të Këshillit Bashkiak ka ardhur nga Partia Socialiste.

Kur mandati i i kryebashkiakes aktuale, Voltana Ademi përfundon zyrtarisht më datën 20 gusht sekretari i Këshillit dhe prefekti i Shkodrës ende nuk kanë caktuar një datë për konstituimin e Këshillit të ri Bashkiak.

PS duket se do të lërë në heshtje konstituimin e Këshillit Bashkiak deri në marrjen e një përgjigje nga Prokuroria për Pjetrin

Prokuroria ka nisur procedurat e verifikimeve, dhe se është në pritje të përgjigjeve drejtuar Interpol-it dhe Europol-it.

Ai rrezikon të akuzohet për “Falsifikim të dokumentave zyratre dhe “Deklarim të rremë”.