Qyteti bregdetar i Vlorës është tronditur mbrëmjen e sotme nga të shtënat me armë.
Raportohet se të shtënat janë shënuar në Selenicë të Vlorës, ndërsa është plagosur një person.
Nga raportimet e para, bëhet me dije se i plagosuri është nisur me urgjencë me një automjet privat drejt spitalit rajonal të Vlorës.
Njoftimi i policisë:
Në sallën operative të DVP Vlorë, urgjenca e spitalit ka njoftuar se një person D.T, rreth 50 vjec nga Selenica dyshohet i plagosur a vetplagosur me armë zjarri pistolete, (kjo ende e paqartë,) dhe po transportohet me makinë private drejt spitalit.
Urgjenca ka nisur autoambulancën me ekipin mjekësor dhe akoma s’ka mbërritur në spital. Shërbimet e policisë dhe grupi hetimor janë nisur menjëherë në drejtim të vendngjarjes dhe pritet të zbardhin shkaqet e plagosjes.
Detaje të reja janë zbardhur nga vrasja me armë zjarri në Selenicë të Vlorës, gjatë mbrëmjes së sotme.
Raportohet se ka ndërruar jetë rrugës për në spital 45-vjeçari Dilaver Tozaj.
Nga të dhënat e para, mësohet se viktima është gjetur i plagosur me tre plumba pranë banesës së tij.
Ai është nisur me urgjencë drejt spitalit me makinë private, por nuk ka arritur të mbijetojë.
