Pas festës për PD nga prezenca e OSBE në Tiranë për një tryezë gjithëpërfshirëse në kuadër të reformës zgjedhore, vjen edhe përgjigja e kryedemokratit Lulzim Basha.
Ai theksoi se ende nuk i kishte shkuar ftesa, ndërsa shtoi se kriza të tilla politike nuk zgjidhen me këto tryeza.
“Po ti shikojmë ftesat se ftesat bëhen javë për javë. Do t’i shikojmë, do t’i vlerësojmë, zgjidhja e krizës politike është prioriteti ynë”, -tha lideri i opozitës, duke lënë kështu një dritë jeshile për dialogun me maxhorancën.
Kujtojmë se tryeza, ku janë ftuar të marrin pjesë parti parlamentare dhe jashtëparlamentare, do të mbahet më 25 shtator. Dje kreu i grupit parlamentar të PS-së Taulant Balla ftoi PD për t’u ulur në një tryezë.
Pyetje nga gazetarët
Në tryezën e thirrur për Reformën Zgjodhore më datë 25…
Lulzim Basha: Kush ju tha që ka tryezë?
Pyetje: Ju ka ardhur ftesa zyrtare…
Lulzim Basha: Po t’i shikojmë ftesat se ftesat bëhen javë për javë. Do t’i shikojmë, do t’i vlerësojmë, zgjidhja e krizës politike është prioriteti ynë. Natyrisht jemi të angazhuar edhe për Reformën Zgjedhore. Por, askush të mos ketë iluzione se zgjidhja e krizës politike kërkon shumë më shumë se sa një tryezë tjetër.
VAZHDO TË LEXOSH MË TEPËR PËR TEMËN
‘Nëse preket një fije floku e demokratëve, mban përgjegjësi me kokën tënde’
‘Basha do të qeverisë sërish më Ramën’
