Rritja e konsumatorëve drejt pagesave jo cash ka rritur interesimin e biznesit për pajisjet që mundësojnë shitje me kartë.
Numri i bizneseve që pranojnë pagesa me kartë po rritet. Sipas statistikave nga Shoqata Shqiptare e Bankave, në mesin e këtij viti numri i POS-eve ose pikave elektronike të shitjes të vendosura në biznese nga sistemi bankar kaloi pragun e 10 mijë njësive.
Krahasuar me një vit më parë, numri i këtyre pajisjeve është rritur me 23%
Pajisja me POS-e iu mundëson bizneseve të rrisin shitjet dhe njëkohësisht të pakësojnë veprimet në cash.
Këto produkte bankare kanë ulur kostot për bizneset dhe i përshtaten komisionet me ciklin sezonal të shitjeve të biznesit.
Forcimi i luftës ndaj informalitetit është një faktor që e ka nxitur përdorimin e pagesave elektronike nga qytetarët dhe pranimin e tyre nga bizneset.
Vitin e kaluar, shqiptarët kryen pagesa me karta bankare në vlerën e 21.3 miliardë lekëve ose rreth 170 milionë eurove, në rritje vjetore me 16%.
VAZHDO TË LEXOSH MË TEPËR PËR TEMËN
‘Informaliteti’ mbush arkën e shtetit?
