Robert Gates, ish sekretari i mbrojtjes, dikur u tall me faktin se Arabia Saudite “dëshiron të luftojë iranianët me amerikanin e fundit”.
Rreziku është që ne po shkojmë drejt atij makthi. Sekretari i Shtetit Mike Pompeo thotë se Irani ka kryer një “akt lufte” duke sulmuar qendrat saudite të përpunimit të naftës.
Ndërkohë, Irani po paralajmëron se do të hakmerret.
Presidenti Trump po ngatërrohet. Nëse Irani do të ishte pas sulmit ndaj Arabisë Saudite, ky do të ishte një provokim serioz. Është e arsyeshme të pyesni veten pse liderët iranianë janë të guximshëm.
“Trump nuk është një luan, ai është një lepur,” tha Ali Bigdeli, një analist politik në Teheran, sipas një artikulli të Times nga David D. Kirkpatrick dhe Farnaz Fassihi.
Irani mund të ketë konstatuar se Trump është nëna e të gjitha lepujve pas mungesës së ndonjë reagimi kinetik ndaj sulmeve në maj dhe qershor, ose për goditjen e një droni amerikan.
Përfundimi është se këtë here të gjithë po i kërkojnë Trumpit që të jetë më i ashpër dhe të marrë në konsideratë bombardimin e objektivave iraniane. Kjo do të ishte edhe më e rrezikshme, sepse shpejt mund të përshkallëzohej. Irani do të godiste vendet në Arabinë Saudite, Emiratet e Bashkuara Arabe ose Bahrein dhe do të synonte trupat amerikane në Irak ose Afganistan.
Një luftë me Iranin do të ishte një katastrofë. Irani ka dy herë popullsinë e Irakut dhe do të ishte një armik shumë më i frikshëm se ai.
Pra, Trump ka një dilemë: Mosveprimi mund të perceptohet si dobësi, ndërsa sulmet ushtarake mund të përshkallëzohen.
Jemi në këtë rrëmujë sepse Trump braktisi marrëveshjeN bërthamore të Iranit 2015. Fatkeqësisht, pa marrëveshjen bërthamore të Iranit, të gjitha opsionet janë të këqija. Ne duhet të jemi në kërkim të mënyrave për t’u rikthyer në marrëveshje.
Në vend të kësaj, kam frikë se mos rrezikojmë të futemi në konflikt. Askush nuk dëshiron një luftë, por dalja nga kjo do të kërkojë diplomaci të aftë, gjë që nuk është diçka që skuadra e Trump e ka demonstruar shumë.
Ne nuk duhet të jemi qen roje i Arabisë Saudite. Po, Irani është një kërcënim për sigurinë ndërkombëtare, por kështu është edhe Arabia Saudite.
Nëse Princi i Kurorës Mohamed bin Salman dëshiron t’i përgjigjet ushtarakisht sulmeve ajrore në objektet e tij të naftës, ai mund të vazhdojë me avionët luftarakë dhe raketat e vetë mbretërisë. Por kjo nuk është lufta jonë.
Kjo është një luftë midis dy regjimeve shtypëse që janë duke destabilizuar rajonin.
Dhe mbrojtja amerikane për Arabinë Saudite është një fyerje për trupat tona. Në vend të kësaj, detyra jonë duhet të jetë të bashkëpunojmë me vendet evropiane për të dalë nga kjo situatë dhe të gjejmë një rrugëdalje në marrëveshjen bërthamore iraniane.
Nicholas Kristof ka qenë kolumnist për The Times që nga viti 2001. Ai ka fituar dy çmime Pulitzer, për mbulimin e tij të Kinës dhe të genocidit në Darfur.
VAZHDO TË LEXOSH MË TEPËR PËR TEMËN
Arabia Saudite nën presion
A duhet ta vazhdojë SHBA bashkëpunimin me Arabinë Saudite?
Aleati problematik
