MENU
klinika

Sinjalet e reja

Kush do ta menaxhojë liqenin? Ademi sfidon qeverinë!

08.09.2019 - 17:01

Kryebashkiakja në ikje e Shkodrës Voltana Ademi nuk rresht së sfiduari qeverinë.

Këtë herë sinjalet ja dërgoi për menaxhimin e liqenit, që sipas saj duhet bërë nga pushteti vendor, duke ja hequr këtë tagër agjencive rajonale në varësi të ministrive të linjës.

E pakënaqur me barishtet dhe mbeturinat që e bëjnë liqenin të pashfrytëzueshëm gjatë të gjithë vitit, ajo premtoi se do të nisë lobimin për ta ndryshuar gjendjen nga viti i ardhshëm.

“Do të kemi propozime për ta mirëmbajtur ndryshe, jo nga agjencitë qeveritare, por që ti kalojë pushtetit lokal. Është e vetmja mënyrë për të mbajtur të mundshëm për tu shfrytëzuar si një aset territorial.”

kolana e librave

Në Shirokë qeveria po kryen në bashkëpunim me pushtetin vendor rikualifikimin urban të qendrës, por siç duket për demokraten Ademi kjo është e pamjaftueshme.

Deklaratën ajo e bëri ndërsa mori pjesë në aktivitetin “Thriathlon labeat”, një kompeticion tre garësh në not, ciklizëm dhe vrapim, që prej 7 vitesh organizohet në ujërat e liqenit të Shkodres. Qëllimi mbetet i njëjtë, të promovohet turizmi, por edhe tradita e pasur kulturore e sportive e Shkodres.

Aktivitetit i bashkohen çdo vit garues nga Mali i Zi, Kroacia dhe shtete të ndryshme Evropiane.

Itinerari i garave ishte ndarë i tillë: në not 750 metra me nisje nga qendra e Shirokës, çiklizëm 10 kilometra dhe vrapim 5 kilometra.