Ambasadori gjerman në Tiranë, Peter Zingraf ka konfirmuar në një prononcim për mediat se Gjermania voton hapjen e Negociatave të Shqipërisë me BE me kushte.
Në një deklaratë të dhënë për Klan Plus, ai ka thënë se u takon partive politike në vend që të zgjidhin krizën politike.
“Drita jeshile për Shqipërinë varet tashmë nga shtetet e tjera anëtare të BE, ne kemi vendosur një po me kushte, nderkohë që presim tashmë se cfarë do të vendosin shtetet e tjera. Cdo propozim që sjellin individualisht shtete, duhet të përkthehen në gjuhën përfundimtare me vendimin e këshillit. Ju them për Berlini ku kemi shumicë deputetesh për një po në parim, por me disa kushte”- tha ai.
Pyetur nëse Gjermania ka bërë përpjekje për të ulur palët në tryezë për një zgjidhje kompromisi për krizën, ai ka deklaruar:
“Gjetja e nje kompromisi është për institucionet shqiptare nuk është detyra jonë. Kam parë se hapi i parë u realizua dje për tu ulur së bashku pozitë – opozitë. Vlerësoj faktin se edhe opozita jashtë parlamentit dërgoi për herë të parë përfaqësuesit e saj në tryezën e reformës zgjedhore. Mendoj se institucionet dhe partitë politike shqiptare do ta gjejnë një zgjidhje”, deklaroi ai.
Nëse do të ndikojë zgjatja e krizës në vend për një përgjigje lidhur me negociatat, ai ka thënë se “nuk mund të spekuloj”.
VAZHDO TË LEXOSH MË TEPËR PËR TEMËN
Gjermania i ‘tërheq veshin’ Bashës: Lëri protestat, futu në Kuvend
“Welt”: Shqipëria ku turizmi kulinar po njeh ritme të larta
